Na Rúa do Progreso de Ourense xorde a idea de transformar un local en desuso nun centro de spa e masaxes. O espazo conta cunha planta baixa a nivel de rúa e unha planta soto.

Os espazos organízanse seguindo un criterio de privacidade gradual, dispoñendo as estancias de xeito que o usuario transite desde áreas de acceso público cara a contornos cada vez máis reservados.

A planta baixa destínase principalmente a funcións de recepción e benvida, incluíndo a área de atención ao cliente, salas de masaxe e unha zona de cafetería aberta ao público. Pola contra, a planta soto alberga os espazos máis íntimos do centro: zonas de tratamento corporal, áreas de relaxación e actividades relacionadas coa auga, como a sauna, o spa de hidromasaxe e as duchas sensoriais.

‍